2017, Uztailak

2016-17 ikasturteari agur esaten diogu, ESKERRIK ASKO!

2016-17 ikasturteari amaiera ematen diogunean, zuek bezala, nekatuta eta oporrak gozatzeko desioz gaudela adierazi nahi dizuegu. Ikasturtean zehar, ezagutzen ez genituen egoera berriei aurre egitea tokatu zaigu. Guztietatik (onak, gehienak, eta txarrak) zerbait ikasi dugu. Horregatik, bukatzen dugun ikasturte honetan, zuei eskerrak ematea gustatuko litzaiguke. Berriz jositako ikasturtea izan dugu hau: digitalizazioaren alde egindako apustua, Izartxo jaio da, proiektu berrietan parte hartu dugu, zerbitzu berriak planifikatu eta martxan jarri dira… Zuen laguntzari esker lortu ditugu planteatu ditugun helburuak.

Beraz, MILA ESKER! Deskantsatu eta merezitako oporrez disfrutatu!

Elkarrekin HOBEAGOAK eta INDARTSUAGOAK gara.

Besarkada bat.

La Salle Legazpi.

2017, Ekainak

Alberto Ruíz de Alegría: “Seme-alabengatik dena ematen denean, sekulako zorra egiten dute gurasoekin eta horrek estutasuna eragiten du”

Umetan bizi egiten da. Gero, biziraun, zioen Leopoldo Panerok. Norberaren zuzendari Alberto Ruíz de Alegríak poetaren esaldia ekarri du gogora La Sallen nerabeei buruz emandako hitzaldian. Izan ere, adituaren hitzetan, nerabezaroarekin paradisua amaitu egiten da bai adoleszentearentzat eta bai familiarentzat. Eta hobe da nonbait horrela, arriskuak ere badituelako. Oso kontuz paradisuekin! Gero ez dute ondo alde egiten eta! Seme-alabengatik dena ematen denean, gurasoekin egiten duten zorra sekulakoa da eta horrek berak estutasuna eragiten du. Ruíz de Alegríaren hitzetan gurasoek espazio propioa izan behar dute eta ez beti erdi-erdian semea edo alaba ipini. adoleszentea beti erdian baldin badago, uste du eskubide guztiak berak dituela eta ez du ikusten borrokatu eta bere bidea egin beharra daukala.